𝗡𝗮𝗻𝘂𝗹𝗮𝗸 𝘀𝗮 𝘀𝗼𝗿𝗯𝗲𝘁𝗲𝗿𝗼𝗻𝗴 𝘁𝘂𝗺𝘂𝗺𝗯𝗮 𝘀𝗮 𝗚𝗼𝗮, 𝘁𝘂𝗸𝗼𝘆 𝗻𝗮 𝗻𝗴 𝗣𝗡𝗣

𝗡𝗮𝗻𝘂𝗹𝗮𝗸 𝘀𝗮 𝘀𝗼𝗿𝗯𝗲𝘁𝗲𝗿𝗼𝗻𝗴 𝘁𝘂𝗺𝘂𝗺𝗯𝗮 𝘀𝗮 𝗚𝗼𝗮, 𝘁𝘂𝗸𝗼𝘆 𝗻𝗮 𝗻𝗴 𝗣𝗡𝗣

Kilala na ng pulisya ang mga sangkot sa viral video ng panunulak sa isang sorbetero sa Goa, Camarines Sur nitong Sabado, October 10.

Sa follow-up investigation ng PNP Goa, natunton ang driver ng motor at kinilala sa 'Alyas Jo', siya ay 21-anyos, angkas nitong si 'Alyas Ar' at isa pang angkas.

Si 'Alyas Ar' na angkas ng motor ang tumulak umano sa sorbetero. Paliwanag nito sa pulisya, inunat niya ang kanyang kamay para maiwasan ang banggaan ng dalawang motorsiklo.

Sinilbihan na rin ng show cause order ang driver at may-ari ng motorsiklo at inilagay sa 30-day restriction.

Samantala, naghain ng affidavit of desistance ang biktima at hindi na magsasampa ng kaso sa mga sangkot sa insidente.